2 þátta Polyurethan lakk sem framleitt hefur verið nær óbreytt í yfir 50 ár. Þegar leitað er eftir óbilandi styrk velja menn Eukula PU 550/551 á gólfið, mýmörg dæmi eru um að parket sem lakkað var með Eukula PU lökkunum fyrir um 20 árum sé því sem næst eins og það var daginn eftir lökkun, þvílíkur er styrkurinn. Eukula PU 550/551 er ótrúlega þurrefnisríkt sem þýðir að þegar uppleysiefnin eru gufuð upp er nær allt efnið á gólfinu. Í dag erum við að nota þetta lakk sem grunn undir umhverfisvænu lökkin og kosturinn við slíkt er að Eukula PU lakkið hleypir engu í gegnum sig, hvorki umhverfisraka né kemískum efnum.
Auðvitað lyktar PU lakkið enda af þeim stofni solvent lakka sem enn er verið að framleiða í heiminum í dag, 100% polyurethan plast efni situr eftir meinlaust eins og hvert annað plast en uppleysiefnin gufa upp sem eru jú óheilnæm en samt ekki meiri en svo að Eukula hefur eitt fárra fyrirtækja í Evrópu leyfi til að framleiða slíkt lakk meðan önnur fyrirtæki hafa þurft að beygja sig fyrir ströngu regluverki og hætta framleiðslu svo segja má að hönnun Eukula PU550/551 hafi verið "unique " allt frá upphafi eða frá árinu 1963 þegar hafin var framleiðsla á þessu lakki. Framleiðslan í dag uppistendur einkum af fjórum eftirtöldum tegundum, PU 550 hardener sem herðir, PU 551 sem lakk með silkimattri áferð PU 550 Gloss sem glanslakk og svo að síðustu G280 sem sérstakur gel grunnur fyrir spaðalökkun sem er að mestu hætt á Íslandi í dag.
En einnig má geta þess að PU 550 herðirinn er ótrúlega fjölhæfur því hann er það efni sem menn kjósa að sprauta undir parket til þess að fylla holrúm og laga los vegna eiginleika hans að éta sig fastann við nær hvaða efni sem er og svo það að þegar hann er notaður eingöngu án PU 551 þá blæs hann út og fyllir upp í stærstu holrúm, sérstaklega ef hann kemst í snertingu við raka.
Notkunarleiðbeiningar;
Hristið lakkið vel og blandið saman lakki og herði í hlutföllunum 1:1 þetta miðast við satin matta áferð en magn herðis má vera meira allt upp í 60% af blöndu ef óskað er eftir örlitlum meiri glans annars er mælt með PU 550 gloss lakki fyrir meira glansstig. Líftími blöndu er allt að 3 tímar, forðist beint sólarljós og dragsúg notkunarmagn er 0,15 - 0,3 ltr pr. m2, ef lakkið er notað sem grunnur undir umhverfisvænu Strato lökkin er notkunar magn 0,15 pr.m2, yfirborðs og rykfrítt á 4-6 klst, mattað eftir 16 klst og yfirlakkað.
Varúðarmerkingar;
PU-550 herðir
Herðir fyrir 2. Þátta Polyurethan lakk 551 satinmatt eða 550 gloss
Inniheldur: Xylen, blöndu ísómera,ísósyanatótólúen
PU-551 satin matt - PU-550 gloss
2. Þátta Polyurethan lakk í íblöndunar við PU herði.
(Blöndunarhlutfall 1:1)
Eldfimt. Hættulegt við innöndun og í snertingu við húð. Skaðlegt vatnalífverum, getur haft skaðleg langtímaáhrif á lífríki í vatni.
Notið viðeigandi hlífðarfatnað og hlífðarhanska. Notið öndunargrímu ef góð loftræsting er ekki fyrir hendi. Má aðeins nota á vel loftræstum stað. Forðist losun út í umhverfið. Athugið sérstakar ráðleggingar/ öryggisleiðbeiningar. Varist innöndun uppgufunar.
GEYMIST ÞAR SEM BÖRN NÁ EKKI TIL
Nánari upplýsingar um efnið má finna á MSD blaði efnisins og vefsíðu www.eukula.com