Síminn hjá okkur er 892-8862 eða sendu okkur tölvupóst: pm(hjá)pm.is

Parketmeistarinn er eitt vandaðasta fyrirtækið á sínu sviði !

Þetta er ekki fullyrðing út í loftið því við sjáum sóma okkar í að nota eingöngu hágæða efni og fyrsta flokks tækjakost hvort sem er í slípun eða yfirborðmeðhöndlun. Við leggjum okkur fram við að vel sé að verkum staðið og að snyrti og fagmennska sé í hávegum höfð. Við búum að sérþekkingu og reynslu síðast liðinna 29 ára. Metnaður okkar er ætíð að hafa gæðin að leiðarljósi sem viðskiptavinir okkar til margra ára geta borið vitni um. 

Það getur borgað sig að fá fagmanninn til skrafs og ráðagerða áður hafist er handa við parketvinnu því það eru ótal mörg atriði sem þarf að huga að þegar vanda skal til verksins. 


 · Ráðgjöf um allt sem lýtur að parketi, nýttu okkar þekkingu í þína þágu.

· Parketslípun og lökkun  · Parketslípun og olíuburður · Parketlagnir. 

· Við útvegum parket fyrir þig · Við seljum hágæða lökk og olíur.

· Og síðast en ekki síst, við stöndum við það sem við lofum.


Upplýsingar um Parketmeistarann ehf.

Eigandi Parketmeistarans Friðrik Már Bergsveinsson hefur unnið meira og minna við smíðar frá árinu 1977. Hann hóf nám í trésmíði árið 1985 og vann með föður sínum Bergsveini Þ Árnasyni húsasmíðameistara við almennar smíðar allt til haustsins 1988 þegar Friðrik Már hóf að slípa og lakka parket fyrir verslunina Parketgólf hf.sem var þá til húsa í Skútuvogi 11.  En Friðrik Már hefur unnið óslitið við parketfagið síðan þá. Hann var einn af stofnendum parketverslunarinnar Parket & Gólf ehf. Ármúla 23 sem var stofnuð 1994 og hefur hann verið aðalverktaki fyrir þá verslun frá upphafi allt þar til hann opnaði verslunina sína Parketbúðin ehf. haustið 2008 og gerðist einkaumboðsaðili fyrir vörumerkin Eukula og Lägler. Vörumerkið Eukula hefur verið selt til Harðviðavals hf. og er hægt að nálgast þessar frábæru vörur hjá Harðviðavali Krókhálsi 6 og hjá Agli Árnasyni Suðurlandsbraut 20.

Fridrik Mar BergsveinssonPM bílarPM-staffNWFAFIP

Friðrik Már er aðalhvatamaðurinn að stofnun félags íslenskra parketmanna FÍP ásamt því að hafa verið einn af fáum íslenskum meðlimum í stærstu parketsamtökum heims National Wood Flooring Association. 

Friðrik Már hefur mikla og góða reynslu við parketfagið og hefur haldið uppi þeim gæðum sem þarf til þess að teljast með þeim bestu, enda hefur honum haldist vel á sínum viðskiptamanna hópi í gegnum tíðina. Parketmeistarinn tekur að sér allt sem viðkemur parketi og er sérstaklega sérhæfður í yfirborðmeðhöndlun parkets en hefur á að skipa stórum hópi manna í alla aðra þætti ss.parketlagnir, parketlagnir á stiga ásamt því að vera ráðgefandi og höfum við átt mjög farsælt samstarf með arkitektum og verkfræðingum.

Að gefnu tilefni skal tekið fram að fyrirtæki okkar Parketmeistarinn ehf. tengist á engan hátt því sem kallast " Parketslípun meistarans " sem auglýst hefur í blöðum og á internetinu, um er að ræða fyrirbæri sem skaut upp kollinum árið 2014 og virðist óskráð hjá RSK. 

Það getur verið vandasamt að velja þann sem þú vilt treysta í gólfið þitt. Hér eru 5. stuttir punktar sem geta létt þér ákvarðanatöku sérstaklega ef verið er að leita tilboða víða án mikillar þekkingar eða aðstoðar einhvers sem þekkir vel til.
 
  1. Ef óskað er eftir innáborgun í upphafi verks skal staldra við og skoða hver rökin eru á bak við þá beiðni, það getur verið varasamt að borga inn á verk sem er svo ekki klárað eða gert það illa að það þurfi að vinna það aftur með tilheyrandi aukakostnaði, auknar líkur eru á því að þeir verktakar sem biðja um innáborgun, sérstaklega í minni verkum, freistist til að nota allra ódýrustu efnin til verksins og tjónið án efa verði verkkaupans. 
  2. Leitið meðmæla um verktaka því hafa skal í huga að hver sem er getur sett upp aðlaðandi heimasíðu og auglýst á faglegan hátt í blöðum án þess að fagmennska og traust liggi að baki. Stolnar myndir og upplogin meðmæli eru því miður staðreynd, en sérverslanir með parket geta upplýst fólk um trausta verktaka auk þess sem þeir finnast inn á http://fip.is/felagatal.htm
  3. Fáið uppgefna tegund efna sem menn segjast ætla að nota og sönnun þess að það sé gert því verðmunur á lökkum er í samræmi við gæði þeirra en munur á endingu lakka getur numið fjölmörgum árum.
  4. Tilboð sem er verulega lægra en meðatal getur bent til þess að reiknað sé með ódýrum efnum og lélegum metnaði, allar upplýsingar þurfa að liggja á borðinu svo hægt sé að bera saman tilboð.
  5. Ekki greiða fyrir verkið fyrr en því er að fullu lokið og hæft til skoðunar, það getur verið slæmt að vera búinn að borga verk sem þarf síðan að fá aðra til að endurvinna með ærnum kostnaði.
Með því að versla við Parketmeistarann getur þú treyst á að notuð séu aðeins bestu fáanleg efni hverju sinni og að tilboð séu sundurliðuð í efni og vinnu. Öll lökk sem við notum eru 2.þátta hágæða lökk nema annað sé sérstaklega tekið fram, því það má segja að það sé himinn og haf á milli 1. þátta og 2. þátta parketlakka bæði í útliti og endingu. 

Eftirfarandi upplýsingar eru til að uppfylla almenna upplýsingaskyldu, 

Nafn : Parketmeistarinn PM/Parketbúðin ehf.
Lögheimili : Boðaþing 2, 203 Kópavogur 
 
kennitala : 690609-1180

Vsk- númer :103582
 

Starfsstöð okkar er á Smiðjuvegi 6, 200 Kópavogi. ( rauð gata )

 


 

 PM-budin PM-Map

 

EUKULA lökk og olíur, LÄGLER® hágæða parketslípivélar - Þegar þetta fer saman er útkoman góð. Hafðu samband og fáðu tilboð fyrir þitt heimili